Plantun de Prouvènço

Pèr coumpara dos planto d'encò nostre

Ceratophyllum demersum & Zannichellia obtusifolia

Courniflo

Ceratophyllum demersum

Ceratophyllaceae

Autre noum : Limoun.

Noms en français : Cornifle nageant, Cératophylle immergé.

Descripcioun :
La courniflo es uno planto d'aigo devengudo coumuno dins d'ùni relarg au nostre. Trachis dins li palun o li roubino ounte l'aigo èi pas trop mouvadisso. A tipicamen un biais en co de reinard. Se recounèis majamen à si fueio verticillado pèr 4 à 10, que dounon d'èr à de corno (courniflo) o de bano s'amès mies. Aquesto planto mostro que l'aigo, richo en minerau (poulucioun agricolo), èi pas trop bono e souvènt pas gaire claro (fotò). Es uno planto interessanto dóu poun de vist filougenetico que sèmblo uno meno primitivo de dicoutiledone.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Grando erbo
Taio : 0,5 à 3 m
Fueio : verticilado
Tipe bioulougico : Idroufite
Cicle bioulougico : Planto renadivo

Gènre : Ceratophyllum
Famiho : Ceratophyllaceae

Ordre : Ceratophyllales

Coulour de la flour : Brunello
Petalo : >6
Ø (o loungour) flour : 3 à 5 mm
Flourido : Printèms - Estiéu

Sòu : ges
Autour basso e auto : 0 à 600 m
Aparado : Noun
Mai à juliet

Liò : Aigo
Estànci : Termoumediterran à Coulinen
Couroulougi : Cousmoupoulito
Ref. sc. : Ceratophyllum demersum L., 1753

Zaniquelìo(-di fueio-óutuso)

Zannichellia obtusifolia

Potamogetonaceae

Nom en français : Zannichellie à feuilles obtuses.

Descripcioun :
Li zaniquelìo soun de pichòti planto d'aigo pas trop couneigudo que dounon d'èr is espigo-d'aigo di fueio primo. La zaniquelìo-di-fueio-óutuso se rescountro soulamen dins li palun sala dóu tèms de la primo e pièi sè à l'après. Se recounèis à si flour masclo dis estamino proun longo (fielat) e à si fueio larjo (0,8 mm) emé lou bout óutus. La planto èi proutegido en listo roujo, categourìo VU (vulnerablo).

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 60 Cm
Fueio : óupousado
Tipe bioulougico : Idroufite
Cicle bioulougico : Planto de l'an

Gènre : Zannichellia
Famiho : Potamogetonaceae

Ordre : Alismatales

Coulour de la flour : Verdo
Petalo : ges
Ø (o loungour) flour : 1,5 mm
Flourido : Printèms - Estiéu

Sòu : Ca
Autour basso e auto : 0 à 200 m
Aparado : Noun
Abriéu à juliet

Liò : Aigo - Palun
Estànci : Mesoumediterran
Couroulougi : Estenoumediterrano-Ouèst
Ref. sc. : Zannichellia obtusifolia Talavera, García-Mur. & H.Smit, 1986

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Ceratophyllum demersum & Zannichellia obtusifolia

ges

Coumpara Courniflo emé uno autro planto

Coumpara Zaniquelìo(-di fueio-óutuso) emé uno autro planto